About Me

ຈັບກຸມຄົນຄ້າຂາຍຢາເສບຕິດ ພ້ອມກັບຂອງກາງ



ໃນວັນທີ 25 ກໍລະກົດຜ່ານມານີ້ ພະແນກຕຳຫຼວດເສດຖະກິດ ກອງບັນຊາການ ປກສ ແຂວງວຽງຈັນ ໄດ້ສົມທົບກັບກອງບັນຊາການ ປກສ ເມືອງວັງວຽງ. ສະກັດ ແລະ ກວດຄົ້ນລົດປາຣາໂດ້ ສີປອນທອງ ໝາຍເລກທະບຽນ ກສ 8342 ກຳແພງນະຄອນ ທີ່ເປັນລົດເປົ້າໝາຍຄະດີຢາເສບຕິດ ຢູ່ເສັ້ນທາງເລກທີ່ 13 ເໜືອ ເຂດບ້ານນາດາວ ເມືອງວັງວຽງ ແຂວງວຽງຈັນ


ຜ່ານການກວດກາພາຍໃນລົດ ພົບຢາເສບຄິດ ປະເພດຢາໄອສ໌ຈຳນວນ 72 ຖົງ, ໜັກ 72 ກິໂລກລາມ, ເຮໂຣອິນຈຳນວນ 2 ແຫ່ງ ແລະ 1 ຖົງ, ໂທລະສັບ ຈຳນວນ 6 ເຄື່ອງ, ພາສ໌ປອດ 2 ຫົວ, ເງິນກີບຈຳນວນ 2.399.000 ກີບ ແລະ ເງິນບາດ 18.250 ບາດ, ພ້ອມທັງກັກຕົວຜູ້ຖືກຫາໄດ້ 3 ຄົນ. ຊື່ ທ້າວ ເຊີນລູ ອາຍຸ 34 ປີ ຢູ່ບ້ານຜົ້ງສາລີ ເມືອງ-ແຂວງຜົ້ງສາລີ, ທ້າວ ເຊັງໄຮພົງ ແລະ ທ້າວ ກາງ ສຽງຮົ່ວ ສັນຊາດຈີນ

ຄະດີດັ່ງກ່າວນີ້ ທາງພະແນກຕຳຫຼວດ ສະກັດກັ້ນ ແລະຕ້ານຢາເສບຕິດພວມດຳເນີນການສຶບສວນ-ສວບສວນ ຂະຫຍາຍຜົນຫາຜູ້ຮ່ວມຂະບວນການ ເພື່ອຕິດຕາມຕົວໄປດຳເນີນຄະດີຕາມກົດໝາຍ.


Post a Comment

0 Comments