ແຮັກເກີ້ຣັດເຊຍ ປ່ອຍໄວຣັສ໌ໂຈມຕີບໍລິສັດ Garmin ຮຽກຄ່າໄຖ່ 10 ລ້ານໂດລາ

ພາບຈາກ:beartai

Garmin ຖືກໂຈມຕີດ້ວຍໄວຣັສ ແຣນຊຳແວຣ໌ (Ransomware) ໂດຍມີການລ໊ອກໄຟລ໌ທີ່ສຳຄັນຂອງບໍລິສັດ ເຮັດໃຫ້ການບໍລິການຕ່າງໆ ລະບົບຊັບພອດສ໌ຂອງບໍລິສັດ ໄປຈົນເຖິງບໍລິການສຳລັບຜູ້ໃຊ້ງານເຊັ່ນ Garmin Connect ແລະ flyGarmin ບໍ່ສາມາດໃຊ້ງານໄດ້ໃນຕອນນີ້ ໂດຍລ່າສຸດມີລາຍງານວ່າກຸ່ມແຮັກເກີ້ທີ່ໂຈມຕີ Garmin ແມ່ນມາຈາກລັດເຊຍເອີ້ນຄ່າໄຖ່ສູງເຖິງ 10 ໂດລາ

BleepingComputer ລາຍງານວ່າ ໄດ້ຮັບແຈ້ງຂໍ້ມູນມາຈາກພະນັກງານຂອງ Garmin ລະບຸວ່າບໍລິສັດຖືກໂຈມຕີໂດຍໄວຣັສ໌ ແຣນຊຳແວຣ໌(Ransomware) ທີ່ຊື່ວ່າ WastedLocker ພ້ອມກັບພາບສະກີນຊັອດທີ່ຖືກສົ່ງໃຫ້ກັບ BleepingComputer ສະແດງລາຍການໄຟລ໌ທີ່ຖືກລ໊ອກທັງໝົດ ພ້ອມແຈ້ງຄ່າໄຖ່ມູນຄ່າສູງເຖິງ 10 ລ້ານໂດລາສະຫະລັດ

ພາບຕົວຢ່າງໄຟລ໌ຂອງບໍລິສັດ Garmin ທີ່ຖືກລ໊ອກຈະມີນາມສະກຸນ .garminwasted ຕໍ່ທ້າຍ ພ້ອມກັບໄຟລ໌ garminwasted_info



ຄາດການວ່າແຮັກເກີ້ທີ່ໂຈມຕີ Garmin ໃນຄັ້ງນີ້ຄື Evil Corp ກຸ່ມແຮັກເກີ້ລັດເຊຍທີ່ມີມາຕັ້ງແຕ່ປີ 2007 ເຊິ່ງຮູ້ຈັກກັນດີໃນຖານທີ່ເປັນກຸ່ມທີ່ພັດທະນາມັລແວຣ໌(Malware) ທີ່ມີຊື່ວ່າ Drixex ໃນການໂຈມຕີເປົ້າໝາຍຕ່າງໆ ລວມໄປຈົນເຖິງ ແຣນຊຳແວຣ໌(Ransomware) ເຊັ່ນ Locky ແລະ BitPaymer



ພາຍຫຼັງມີການໂຈມຕີຄັ້ງນີ້ເກີດຂຶ້ນ ທາງບໍລິສັດ Garmin ກໍ່ໄດ້ຮີບຮ້ອນປິດລະບົບຕ່າງໆທັນທີ ເພື່ອປ້ອງກັນ Ransomware ຈະໂຈມຕີລະບົບຕໍ່


About Vanh SPP

0 Comments:

Post a Comment