Samsung ເປີດຕົວ Galaxy Z Flip 5G ມືຖືພັບໄດ້!!

ພາບຈາກ: isanook.com

ຮຽກໄດ້ວ່າບໍ່ຕ້ອງລໍຖ້າກັນເລີຍສຳລັບ  Samsung Galaxy Unpacked ເພາະຕອນນີ້  Samsung Galaxy Z Flip ເວີຊັ່ນ 5G ໄດ້ເປີດຕົວແລ້ວຢ່າງເປັນທາງການ ລວມເຖິງ Qualcomm Snapdragon 865+ ລຸ້ນໃໝ່ຮອງຮັບ 5G ກັບ 2 ສີໃໝ່ Mystic Bronze ແລະ Mystic Grey


ແຕ່ເບີ່ງເຖິງຄວາມແຕກຕ່າງຈິ່ງແລ້ວເວີຊັ່ນ 5ຈີ ຈະໜາກວ່າພຽງແຕ່ 0.1 ມິນລີແມັດ ນ້ຳໜັກ 183 ກລາມເທົ່າເດີມ ພ້ອມກັບໜ້າຈໍຂະໜາດ 6.7 ນິ້ວ ຄວາມລະອຽດ  2636x1080 ພິກເຊວ ກັບໜ້າຈໍແບບ Dynamic AMOLED ແລະໜ້າຈໍດ້ານນອກ Super AMOLED ຂະໜາດ 1.1 ນິ້ວ, ຄວາມລະອຽດ 300x112 ພິກເຊວ

ກ້ອງໜ້າດ້ານນອກຄວາມລະອຽດ 12 ລ້ານພິກເຊວ F1.8 ແລະ Ultra Wide ຄວາມລະອຽດ 12 ລ້ານພິກເຊວຄືກັນ ສ່ວນດ້ານໃນຈະໄດ້ກ້ອງໜ້າຄວາມລະອຽດ 10 ລ້ານພິກເຊວພ້ອມກັບລະບົບ ອໍໂຕ ຟໍກັດສ໌ ແລະມີລະບົບປະຕິບັດການ Android 10 ຄອບດ້ວຍ One UI 2.1 ລຸ້ນໃໝ່ລ້າສຸດ ມີໂຫມດການໃຊ້ງານທັງການເປີດຈໍເຕັມ ແລະ ແບບ Flex Mode


ມືຖືລຸ້ນນີ້ຈະເລີ່ມວາງຂາຍຢ່າງເປັນທາງການ 7 ສິງຫາໃນສະຫະລັດອາເມຣິກາ ສ່ວນລາຄານັ້ນຢູ່ທີ່ 1,450 ໂດລ່າສະຫະລັດ ຫລືປະມານ 13,014,231 ກີບ. ສ່ວນປະເທດອື່ນໆ ອາດຈະຕ້ອງລໍກັນຕໍ່ໄປ ທັງນີ້ໃນງານ  Samsung Galaxy Unpacked ກໍ່ຍັງມີລາຍການອື່ນໆລໍເປີດຕົວຢູ່ຄົງຕ້ອງຈັບຕາເບີ່ງຕໍ່ໄປໃນວັນທີ 5 ສິງຫາ ທີ່ຈະມາເຖິງນີ້

About Vanh SPP

0 Comments:

Post a Comment