About Me

ສ້າງໄອຄອນ shutdown & restart ໄວ້ໃຊ້ງານເທິງໜ້າຈໍ Desktop



ການ​ສ້າ​ງ​ໄອ​ຄອນ​ ປິດຄອມ (shutdown) ​ແລະ ​ເລີ່​ມຕົ້ນຄອມ​ໃໝ່ (restart) ​ໄວ້​ເທິງ​ໜ້າ​ຈໍ (Desktop) ​ແມ່ນ​ເຮັດ​ໃຫ້​​ເຮົາສະດວກ​ສະບາຍ​ ບໍ່​ໄດ້​ເຂົ້າ​​ໄປກົດ​ເອົາ​ໃນ​ເມ​ນູ​. ​ແຖມ​ເປັນ​ມືຄອມ​ໃໝ່​ຍັງ​ຈະ​ຕ້ອງ​ຊອກ​ຫາບ່ອນ​ກົດ ວ່າ​ປຸ່​ມ​ເຫຼົ່ານັ້ນຢູ່​ຕຳ​ແໜ່​ງໃດ ຍິ່ງ​​ເຮັດ​ໃຫ້​ປວດ​ຫົວ​ຕື່ມ​ອີກ. 

ສະນັ້ນ ​ແອັດ​ຈຶ່ງ​ຈະ​ມາ​​ແນະນຳ​ວິທີ​ການ​ສ້າງ​​ເປັນ​ໄອ​ຄອນ​ທາງ​ລັດ ປິດ ​ແລະ​ເລີ່​ມຕົ້ນຄອມ​ໃໝ່ ​ໄວ້​​ເທິງ​ໜ້​າຈໍ ງ່າຍໆ ພຽງ​ພິມ​ຄຳ​ສັ່ງ​​ເຂົ້າ​ໄປ​ກໍ່​ເປັນ​ອັນ​ຈົບ ​ເຮົາ​ໄປ​ເບີ່​ງນຳ​ກັນ​ເລີຍ


​ແນວທາງ​ການ​ປະຕິບັດ ມີ​ດັ່ງ​ນີ້:

​ເຮົາ​ຈະ​ມາ​ສ້າງ​​ໄອ​ຄອນ ປິດ​ຄອມ (shutdown) ​ສ່ວນ​ປຸ່ມ ​ເລີ່​ມຕົ້ນຄອມ​ໄໝ່ (restart) ​ແມ່ນ​ໃຫ້​ປະຕິບັດ​ຕາມ​ຂັ້ນຕອນ​ດຽວ​ກັນ ​ແຕ່​ປ່ຽນ​ສະ​ເພາະແຕ່ຄຳ​ສັ່ງ​ເທົ່າ​ນັ້ນ

1. ຄລິກ​ເມົ້າສ໌ຂວາ​ເທິງ​ໜ້າ​ຈໍ ​​ເລື່ອນ​ກົດ​ເລືອກ​ເມ​ນູ New > Shortcut


2. ພິມ​ຄຳ​ສັ່ງ​ນີ້​ລົງ​ໄປ​ເລີຍ shutdown -s -t 00 ​ແລ້ວ​ກົດ​ປຸ່ມ Next > ( ​ໃຫ້​ພິມຄຳ​ວ່າ shutdown ​ແລ້ວ​ຍະ​ວ່າງ ພິມ​​ເຄື່ອງໝາຍລົບ ຕາມ​ດ້ວຍ​​ໂຕ s ຍະ​ວ່າງ ພິມເຄື່ອງໝາຍລົບ​ໂຕ t ຍະ​ວ່າງ ​ແລ້ວ​ພິມ​ເລກ​ສູນ​ສອງ​ໂຕ 00 ) ຫລື​ ຈະ​ກັອບປີ​ຄຳ​ສັ່ງ​ນີ້​ໄປ​ວາງ​ໃສ່​ກໍ່​ໄດ້ ງ່າຍ​ສຸດໆ


3. ​ໃຫ້​ພິມ​ຊື່​ຂອງ​ໄອ​ຄອນ​ໃສ່ ​ເພາະ​ຊື່​ຈະ​ສະ​ແດງ​ຢູ່​ເທິງ​ໜ້າ​ຈໍ​ພ້ອມ​ກັບ​ໄອ​ຄອນ ​ແລ້ວ​ກົດ​ປຸ່ມ Finish



ຈາກ​ນັ້ນ​ໄອຄອນ​ທີ່​ເຮົາ​ສ້າງ​ຂື້ນ​ມາ ກໍ່​ຈະ​ສະ​ແດງ​ຢູ່​ເທິງ​ໜ້າ​ຈໍ​ແລ້ວ ​ແຕ່​ເປັນ​ໄອ​ຄອນ​ສີຂາວໆ ​ເພາະ​ຍັງ​ບໍ່​ທັນ​ມີ​ພາບ​ໄອ​ຄອນ ​ໃຫ້​ເຮົາ​ກົດ​ເຂົ້າ​ໄປ​ເລືອກ​ໃສ່ 

4. ຄລິກຂວາ​ເທິງ​ໄອ​ຄອນ​ທີ່​ສ້າງ​ໃໝ່​ ​ແລ້ວ​ເລື່ອນ​ກົດ​ເມ​ນູ Properties


5. ກົດ​ປຸ່ມ Change Icon...


ແລ້ວກົດ​ປຸ່ມ OK 


6. ​ເລືອກ​ເອົາ​ໄອ​ຄອນ​ທີ່​ເຮົາ​ຕ້ອງການ ​​ໄດ້ແລ້ວ​ກົດ​ປຸ່ມ OK ​ເພື່ອ​ບັນທຶກ​ປ່ຽນ​ແທນ​ໄອ​ຄອນ​ອັນເກົ່າ


ແລ້ວ​ກົດ​ປຸ່ມ Apply ​ເພື່ອ​ນຳ​ໄປ​ໃຊ້ ​ແລະ ກົດ OK ຕົກລົງ​ປ່ຽນ​ແປງ


ແລ້ວ​ເຮົາ​ກໍ່​ຈະ​ໄດ້​ໄອ​ຄອນ​ທາງ​ລັດ ປິດ​ຄອມ​ພິວ​ເຕີ ​ໄວ້​ຢູ່​ເທິງ​ໜ້າ​ຈໍ​ແລ້ວ




7. ສ່ວນ​ປຸ່ມ​ໄອ​ຄອນ Restart ຄອມ ​ແມ່ນ​ໃຫ້​ເຮົາ​ປ່ຽນ​ແປງ​ຄຳ​ສັ່ງຈາກ shutdown -s -t 00 ມາ​ເປັນ 
shutdown -r -t 00 ພຽງ​ເທົ່າ​ນີ້​ກໍ່​ຈະ​ໄດ້​ປຸ່ມ​ Restart ຄອມເອົາໄວ້ໃຊ້ງານ​ແລ້ວ



Post a Comment

0 Comments