ເປີດຊີວິດຊາຍໝຸ່ມ ເຄີຍກະໂຫຼກຫົວແຕກໃນໄວເດັກ ແຕ່ດຽວນີ້ໃຫຍ່ຂື້ນມາ ເປັນຄົນຄິດເລກໄວທີ່ສຸດໃນໂລກ

 


ເປີດຊີວິດຊາຍໜຸ່ມອິນເດຍ ຈາກອຸປະຕິເຫດເຮັດໃຫ້ກະດູກກະໂຫຼກຫົວແຕກໃນໄວເດັກ ດຽວນີ້ລາວເຕີບໃຫຍ່ເປັນຄົນທີ່ຄິດເລກໄວທີ່ສຸດໃນໂລກ ຄວາມສາມາດລະດັບນີ້ ແຕ່ບໍ່ກ້າເອີ້ນຕົວເອງວ່າ ອັດສະລິຍະ

ພາບຈາກເຟຊບຸກ Bhanu Prakash

    ດ້ວຍອຸບັດຕິເຫດໃນໄວເດັກທີ່ເກືອບພາກຊີວິດ ເຮັດໃຫ້ ນີລາກັນທາ ປຣາກາຊ ໄດ້ຮັບບາດເຈັບທີ່ສະໝອງ ແລະມີອາການກະໂຫຼກຫົວແຕກ ລາວໝົດສະຕິເກືອບ 7 ວັນ ໃນຂະນະທີ່ລາວເຂົ້າຮັບການຜ່າຕັດຫຼາຍຕໍ່ຫຼາຍຄັ້ງ. ທ່ານໝໍ ຈຳຕ້ອງໄດ້ບອກພໍ່ແມ່ຂອງລາວໃຫ້ກຽມໄຈໄວ້ ວ່າລູກຊາຍອາດຈະເປັນຄົນພິການທາງຈິດຕະຫຼອດຊີວິດ, ດັ່ງນັ້ນຈຶ່ງບໍ່ມີໃຜຈະຄິດວ່າໃນອີກ 15 ປີຂ້າງໜ້າ ຊາຍຄົນນີ້ຈະໄດ້ຊື່ວ່າເປັນ "ມະນຸດທີ່ຄິດເລກໄວ້ທີ່ສຸດໃນໂລກ"

       ຈາກການລາຍງານຂອງສຳນັກຂ່າວ CNN ໃນວັນທີ 2 ກັນຍາ ປີ 2020 ນີລາກັນທາ ພານຸ ປຣາກາຊ, ຊຶ່ງຕອນນີ້ລາວມີອາຍຸ 20 ປີ, ໄດ້ຮັບການຈົດບັນທຶກລົງໃນສະຖິຕິ ບຸກ ອັອຟ ເຣັກຄອດ ທຽບເທົ່າກັບ Guinness World Record ຂອງອິນເດຍໃນຖານະມະນຸດທີ່ຄິດເລກໄວທີ່ສຸດໃນໂລກ ໂດຍລາວສາມາດຄິດເລກໃນໄຈໄດ້ໄວກວ່າສະໝອງຂອງມະນຸດທົ່ວໄປປະມານ 10 ເທົ່າ, ແລະແມ້ກະທັ້ງການຄຳນວນເລກທີ່ມີຄວາມສັບຊ້ອນຫຼາຍທີ່ສຸດ, ລາວກໍ່ສາມາດຊອກຫາຄຳຕອບໄດ້ໃນເວລາບໍ່ເທົ່າໃດວິນາທີ.


ຍົກຕົວຢ່າງ: ໂຈດ 869,463,853 x 73 ເຊິ່ງໂດຍທົ່ວໆໄປແລ້ວ ຈະບໍ່ນັ່ງຄິດໃຫ້ຕ້ອງປວດຫົວ ເລືອກທີ່ຈະຈັບເຄື່ອງຄິດໄລ່ເປັນຕົວຊ່ວຍທີ່ໄວກວ່າ. ແຕ່ສຳລັບ ພານຸ ລາວສາມາດຄູນເລກຈຳນວນຫຼາຍຮ້ອຍລ້ານໃນເວລາພຽງ 26 ວິນາທີ, ແລະຄຳຕອບກໍ່ແມ່ນ ... 63,470,861,269

          ເຖິງຢ່າງໃດກໍ່ຕາມ, ພານຸ ກໍ່ບໍ່ໄດ້ຂໍໃຫ້ຜູ່ຄົນເອີ້ນລາວວ່າເປັນຜູ້ອັດສະລິຍະ ລາວກ່າວວ່າຄວາມສາມາດທາງດ້ານການຄິດເລກຂອງລາວ ເກີດຂື້ນຈາກຂະບວນການຝຶກຝົນແບບທີ່ມີໂຄງສ້າງ

          "ສົມມຸດຖ້າຂ້ອຍຈະຄູນ 8,763 ໂດຍເລກ 8 ຂ້ອຍຈະແບ່ງ 8,000 x 8 ເທົ່າກັບ 64,000 ແລະຈາກນັ້ນ 700 x 8 ເທົ່າກັບ 5,600, ກ່ອນຈະຄິດ 60 x 8 ເທົ່າກັບ 480 ແລະ 3 x 8 ເທົ່າກັບ 24 ແລະຫຼັງຈາກນັ້ນນຳຜົນບວກມາລວມເຂົ້າກັນ" ພານຸ ກ່າວ ແລະເນັ້ນໜັກວ່າ ວິທີການທີ່ລາວໃຊ້ ກໍ່ຄືກັບຄົນສ່ວນໃຫຍ່ ແຕ່ອາດຈະແຕກຕ່າງກັນໃນເພີ່ມປະສິດທິພາບຂອງສະໝອງ ເຊິ່ງລາວໄດ້ພະຍາຍາມດັດແປງວິທີທີ່ເຮັດໃຫ້ມັນເບິ່ງງ່າຍຂຶ້ນ


  ໃນປີ 2007, ຕອນນັ້ນອາຍຸໄດ້ 7 ປີ, ພານຸ ໄດ້ຮັບຕຳແໜ່ງ ຮອງອັນດັບ 3 ໃນການແຂ່ງຂັນຄະນິດສາດຊັ້ນມັດທະຍົມຕອນປາຍຂອງລັດຫຼັງຈາກລາວໄດ້ແຂ່ງຂັນຢູ່ Andhra Pradesh. ເຊິ່ງເຮັດໃຫ້ພໍ່ຂອງລາວກັບຕ້ອງຫຼັ່ງນໍ້າຕາ

          ພານຸ ກ່າວວ່າສິ່ງທີ່ເຮັດໃຫ້ພໍ່ຂອງລາວມີຄວາມຕື່ນຕັນຫຼາຍ ບໍ່ແມ່ນຫຼຽນລາງວັນ ແຕ່ວ່າມັນແມ່ນເສັ້ນທາງທີ່ເຮັດໃຫ້ລາວໄປເຖິງຈຸດນັ້ນ.

          ພານຸ ບໍ່ໄດ້ຢຸດພຽງເທົ່ານັ້ນ. ລາວຍັງໄດ້ສືບຕໍ່ຄວ້າໄຊຊະນະໃນການແຂ່ງຂັນຄະນິດສາດເລື້ອຍໆມາ ແລະໄດ້ເປັນຕົວແທນຂອງການແຂ່ງຂັນລະດັບຊາດຕັ້ງແຕ່ອາຍຸ 13 ປີ, ລາວເປັນເຈົ້າຂອງສະຖິຕິໂລກຫຼາຍຢ່າງ. ແລະໄດ້ສ້າງຕັ້ງບໍລິສັດ Exploring Infinities, ເຊິ່ງເປັນອົງກອນການສຶກສາໃນປີ 2018, ເພື່ອເຮັດໃຫ້ຄະນິດສາດເປັນເລື່ອງທີ່ໜ້າສົນໃຈ. ມັນເປັນສິ່ງທ້າທາຍສຳລັບຜູ້ທີ່ສົນໃຈ. ໂດຍສຸມໃສ່ການປັບປຸງຄວາມສາມາດໃນການພັດທະນາຜ່ານເກມຄະນິດສາດ



          ຈົນກ່ວາວັນທີ 15 ສິງຫາ 2020, ພານຸ ເຊິ່ງປະຈຸບັນອາໃສຢູ່ໃນເມືອງ ໄຮເດີລາບາດ, ລັດ ເຕລັງຄານາ, ໃນພາກໃຕ້ຂອງປະເທດອິນເດຍ. ກາຍເປັນຄົນອາຊີຄົນທຳອິດທີ່ໄດ້ຮັບຫລຽນຄຳ ຈາກການແຂ່ງຂັນ Mental Calculation World Championship ໃນການແຂ່ງຂັນ Mind Sports Olympiad ຈັດຂຶ້ນທີ່ລອນດອນ, ອັງກິດ ດ້ວຍຄວາມໄວໃນການຄຳນວນ. ເພື່ອເອົາຊະນະຄູ່ແຂ່ງ 29 ຄົນຈາກ 13 ປະເທດ, ຜູ້ຕັດສິນຕ້ອງຂໍໃຫ້ລາວເຮັດສິ່ງທ້າທາຍພິເສດ ເພື່ອເປັນການຢັ້ງຢືນຄວາມແມ່ນຍຳ ແລະຄວາມສາມາດຂອງລາວ 


ນອກຈາກ ພານຸ ຈະເປັນຜູ້ຊະນະເລີດຄົນທຳອິດຂອງອາຊຽນ. ລາວຍັງເປັນຜູ້ຊະນະເລີດຄົນທຳອິດໃນປະຫວັດສາດ 23 ປີຂອງການແຂ່ງຂັນດັ່ງກ່າວ. ທີ່ບໍ່ແມ່ນຄົນເອີຣົບອີກດ້ວຍ
loading...

About Vanh SPP

0 Comments:

Post a Comment