ການນອນເດີກ ສົ່ງຜົນກະທົບຕໍ່ຊີວິດຂອງເຮົາບໍ່ໜ້ອຍ ບໍ່ວ່າຈະເປັນທາງຮ່າງກາຍ ຈິດໄຈ ຫລືສັງຄົມ ໂດຍສະເພາະກັບສຸຂະພາບຮ່າງກາຍ ຮູ້ຫລືບໍ່ວ່າຫາກເຮົານອນຫລັບບໍ່ພຽງພໍຕໍ່ເນື່ອງກັນຫຼາຍວັນ ຈະເກີດຫຍັງຂື້ນ? ແນ່ນອນທີ່ສຸດ ຜົນເສຍຂອງການນອນເດີກຮ້າຍແຮງກວ່າທີ່ເຮົາຄິດໄວ້ຫຼາຍ ຖ້າເຮົາບໍ່ປັບພຶດຕິກຳຂອງຕົວເອງໃໝ່...
ຂໍ້ເສຍຂອງການນອນເດິກສົ່ງຜົນຕໍ່ຮ່າງກາຍ
1. ລະບົບພູມຄຸ້ມກັນຮ່າງກາຍຫຼຸດຕ່ຳລົງ
ລອງສັງເກດຕົວຂອງເຮົາເອງເບີ່ງວ່າ ຊ່ວງໃດທີ່ນອນເດີກ ຊ່ວງນັ້ນໂຣກຕ່າງໆຈະຖາມຫາຢູ່ຕະຫຼອດເຊັ່ນ: ໄຂ້ຫວັດ, ເຈັບຫົວ, ລະບົບການຍ່ອຍອາຫານຜິດປົກກະຕິ ແລະທີ່ເຫັນໄດ້ຊັດເຈນທີ່ສຸດນັ້ນກໍ່ຄື ຮ່າງກາຍເສຍໂອກາດທີ່ຈະສ້ອມແຊມສ່ວນທີ່ເສື່ອມສະພາບນັ້ນໄປ
2. ພາວະໂລກອ້ວນ
ຜົນຂອງການນອນເດີກອີກຂໍ້ກໍ່ຄື ອ້ວນ ເນື່ອງຈາກລະດັບຮໍໂມນເລປຕິນ (Leptin) ເປັນຮໍໂມນທີ່ຄວບຄຸມຄວາມຫິວ ເຮັດໃຫ້ທຳງານຜິດປົກກະຕິ ສົ່ງຜົນໃຫ້ການຄວບຄຸມຄວາມຫິວຕ່ຳລົງ ຈຶ່ງເປັນເຫດໃຫ້ເມື່ອກິນຫຍັງເຂົ້າໄປຮ່າງກາຍຈະບໍ່ຮູ້ສຶກວ່າອິມ ທັງທີ່ກິນໃນປະລິມານເທົ່າເດີມ
3. ປວດເບົາເລື້ອຍໆ
ໂດຍປົກກະຕິແລ້ວ ຮ່າງກາຍຂອງຄົນເຮົາຈະເຮັດວຽກຕາມໂມງຂອງແຕ່ລະຄົນ ສັງເກດໄດ້ງ່າຍໆ ຄົນທີ່ຕື່ນມາເຂົ້າຫ້ອງນ້ຳຕອນກາງຄືນຕະຫຼອດໆ ຈະມີບັນຫາການນອນຫຼັບທີ່ບໍ່ພຽງພໍ
4. ສາຍຕາເຊື່ອມ
ຢ່າລືມວ່າຄົນເຮົາເກີດມາພ້ອມກັບສາຍຕາຄູ່ດຽວ ດັ່ງນັ້ນຖ້າຫາກສາຍຕາເກີດເປັນຫຍັງໄປ ຈະບໍ່ມີອັນໃໝ່ປ່ຽນແທນໄດ້ ການນອນເດີກເຮັດໃຫ້ສາຍຕາພ່າມົວ ເບິ່ງເຫັນໄດ້ບໍ່ແຈ້ງດີ ບາງຄັ້ງຈະມີອາການໜັງຕາກະຕຸກ
5. ສຸຂະພາບຈິດເສື່ອມໂຊມລົງ
ຖ້າສຸຂະພາບຈິດຂອງເຮົາບໍ່ດີ ກໍ່ຈະສົ່ງຜົນຕໍ່ຮ່າງກາຍດ້ວຍເຊັ່ນກັນ ຄົນນອນໜ້ອຍມັກຈະມີອາລົມທີ່ຫງຸດຫງິດງ່າຍ ອາລົມຂຶ້ນໆລົງໆ
6. ສະມັດຕະພາບທາງເພດຫຼຸດລົງ
ສຳລັບຜູ້ຊາຍຄວນຮູ້ໄວ້ເລີຍ ຂໍ້ນີ້ ການນອນເດີກສົ່ງຜົນໃຫ້ຮໍໂມນເທສໂທສເຕີໂຣນລົດຕ່ຳລົງ ເຮັດໃຫ້ຄວາມຕ້ອງການທາງເພດຫຼຸດລົງ
7. ໂລກຄວາມຈຳເຊື່ອມ
ການອົດນອນເຮັດໃຫ້ຄວາມຈຳຂອງເຮົາຫຼົງໆລືມໆໄດ້ແບບງ່າຍໆ ເນື່ອງຈາກການນອນຫຼັບທີ່ບໍ່ພຽງພໍເຮັດໃຫ້ສະໝອງບໍ່ໄດ້ພັກ ຂະບວນການຈົດຈຳຖືກຂັດຂວາງການເຮັດວຽກ ແລະຫາກເຮົາປ່ອຍໃຫ້ການນອນເດີກນັ້ນເປັນອາຈີນ ສະໝອງກໍ່ຈະລືມສິ່ງທີ່ເຄີຍເຮັດ ຫລືສິ່ງທີ່ຄິດກຳລັງຈະເຮັດ ແມ່ນແຕ່ເຮົາຈະນອນຊົດເຊີຍໃນວັນຖັດໄປໃຫ້ຫຼາຍຂື້ນກໍ່ຕາມ ກໍ່ບໍ່ສາມາດນຳຄວາມຈຳສ່ວນນັ້ນກັບມາໄດ້ ຊຶ່ງມັນຮຸນແຮງຈົນເຖິງຂັ້ນຫຼົງລືມການຈົດຈຳສິ່ງໃດໄດ້ງ່າຍໆໄປເລີຍ
![ດາວໂຫຼດ One man band 11 [Full] ໂປຼແກຼມຈຳລອງຫຼິ້ນຄີບອດເທີງ PC](https://1.bp.blogspot.com/-d0myjYN1g30/YNbpPX7_-gI/AAAAAAAAF_0/FYEeDIMnNcI27Y3rYH-pjShz1bQPluvKgCLcBGAsYHQ/w100/maxresdefault.jpg)
0 Comments