ຕຳຫຼວດອິນເດຍຈັບກຸມຊາຍໄວ 30 ປີ ຂືນໃຈຍິງຊະລາໄວ 87 ປີ

Facebook Twitter Email Whatsapp

ວັນທີ 15 ກຸມພາ 2022 ຜ່ານມາ ບີບີຊີ ແລະສະຖານີໂທລະທັດ ນິວເດລີ ລາຍງານວ່າ ຕຳຫຼວດຈັບກຸມຊາຍໄວ 30 ປີ ຂືນໃຈຍິງຊະລາໄວ 87 ປີ ໃນນະຄອນນິວເດລີຂອງອິນເດຍ ຊາຍຄົນດັ່ງກ່າວມີອາຊີບເປັນຄົນເກັບຂີ້ເຫື້ຍອ ເຊິ່ງອາໄສຢູ່ເຮືອນໃກ້ກັນກັບເຮືອນຂອງຜູ້ຖືກເສຍຫາຍ

ຍິງຊະລາຜູ້ນີ້ເປັນຜູ້ປ່ວຍຕິດຕຽງ ູອາໄສຢູ່ພຽງລຳພັງຢູ່ບ້ານ ເມື່ອຕອນບ່າຍວັນອາທິດທີ່ 13 ກຸມພາ ກ່ອນຖືກຊາຍຜູ້ກໍ່ເຫດຂົ່ມຂືນ ແລະຍັງຂະໂມຍໂທລະສັບມືຖືໄປອີກ

ເຊິ່ງຄອບຄົວຂອງຜູ້ຖືກເສຍຫາຍບໍ່ພໍໃຈ ແລະໄດ້ກ່າວປະນາມເຈົ້າໜ້າທີ່ຕຳຫຼວດທີ່ຮັບພຽງແຈ້ງຄວາມກໍລະນີລັກຊັບ ບໍ່ແມ່ນຄະດີຂົ່ມຂືນ

ແນວໃດກໍ່ຕາມ ຕຳຫຼວດກໍ່ໄດ້ອອກມາປະຕິເສດຂໍ້ກ່າວຫາດັ່ງກ່າວ ໂດຍອ້າງວ່າຄອບຄົວຜູ້ເສຍຫາຍແຈ້ງຄວາມພຽງກໍລະນີລັກຊັບ ເມື່ອວັນອາທິດທີ່ 13 ກຸມພາ, ຕໍ່ມາ ວັນທີ 14 ກຸມພາ ຈຶ່ງແຈ້ງຄວາມກໍລະນີຂົ່ມຂືນ

ແຕ່ຍາດພີ່ນ້ອງຜູ້ເສຍຫາຍໃຫ້ສຳພາດໜັງສືພິມອິນເດຍເອັກຊ໌ເພດສ໌ວ່າ: ຕຳຫຼວດບອກແມ່ເຖົ້າ ແລະລູກສາວວ່າ ຢ່າຕິດຕາມຄະດີຂົ່ມຂືນ ເພາະຈະເຮັດໃຫ້ຄຽດກັບຕົວເອງລ້າໆ "ຕຳຫຼວດຮັບແຈ້ງຄວາມກໍລະນີລັກຊັບ ແລະບໍ່ໄດ້ແຈ້ງຂໍ້ມູນຫຍັງເລີຍແກ່ພວກເຮົາ"

ແມ່ເຖົ້າຜູ້ຖືກຂົ່ມຂືນ ແມ່ນອາໄສຢູ່ກັບລູກສາວ ແຕ່ລູກສາວອອກໄປທາງນອກຕອນທີ່ແມ່ເຖົ້າຖືກທຳຮ້າຍ ກວ່າຈະກັບມາຮອດເຮືອນ ຕ້ອງພົບແມ່ຕົວເອງໃນສະພາບບາດເຈັບ

ທາງດ້ານຄະນະກໍາມາທິການແມ່ຍິງ ແຫ່ງຊາດ ກ່າວໃນວັນຈັນ 14 ກຸມພາ ຜ່ານມານີ້ວ່າ ໄດ້ຂຽນໜັງສືໄປຍັງເຈົ້າໜ້າທີ່ຕໍາຫຼວດ ນະຄອນຫລວງເດລີ ເພື່ອຂໍໃຫ້ສອບເຈົ້າຫນ້າທີ່ລະເວັ້ນບໍ່ປະຕິບັດທັນທີ

ຂໍ້ມູນ:msn