ມອບ-ຮັບລົດຈັກ ທີ່ເກັບກູ້ໄດ້ ຄືນເຈົ້າຂອງເດີມ

Facebook Twitter Email Whatsapp

 

ມອບ-ຮັບລົດຈັກ ທີ່ເກັບກູ້ໄດ້ ຄືນເຈົ້າຂອງເດີມ

ໃນວັນທີ 27 ມັງກອນ 2022, ທີ່ຫ້ອງຕໍາຫຼວດ ປກສ ນວ, ພັທ ສັງຄົມ ພົມມະລາດ ຮອງຫົວໜ້າພະແນກຕໍາຫຼວດ ຈະລາຈອນ ນວ, ພ້ອມຄະນະ, ໄດ້ມອບລົດຈັກເວບ 100 ສີດໍາ ໝາຍເລກຖະບຽນ ຕຕ 1818 ກໍາແພງນະຄອນ ທີ່ເກັບກູ້ຄືນໄດ້

ພາບປະກອບຂ່າວ

ວັນທີ 13 ມັງກອນ 2022, ຜ່ານມານີ້ ຈຶ່ງໄດ້ຄືນໃຫ້ ນາງ ຄອນສະຫວັນ ພະນັກງານ ຢູ່ບ້ານ ສີບຸນເຮືອງທົ່ງ ເມືອງສີໂຄດຕະບອງ ນວ. ພັທ ສັງຄົມ ພົມມະລາດ 

ໃຫ້ຮູ້ວ່າ: ລົດຈັກທີ່ນໍາມາມອບນີ້, ຕໍາຫຼວດ ຈະລາຈອນ ນວ ກວດພົບ ແລະ ກັກໄດ້ໃນເວລາປະຕິບັດໜ້າທີ່ກວດກາຈັດສັນຄວາມເປັນລະບຽບຮຽບຮ້ອຍ ຢູ່ຈຸດໄຟອໍານາດໜອງໜ່ຽງ ເມືອງໄຊເສດຖາ 

ໄດ້ກວດຊາຍ ອາຍຸປະມານ 50 ປີ ຂັບຂີ່ລົດຄັນດັ່ງກ່າວມາ ຜ່ານຈຸດກວດກາເຈົ້າໜ້າທີ່ ຂໍກວດເອກະສານ ແຕ່ຜູ້ຂັບຂີ່ບໍ່ມີເອກະສານມາຢັ້ງຢືນ ຈິ່ງໄດ້ກັກລົດພ້ອມຜູ້ຂັບຂີ່ ມາສອບສວນ ຜູ້ກ່ຽວຮັບສາລະພາບວ່າ:

ລົດຄັນດັ່ງກ່າວ ໄດ້ຊື້ມາຈາກຊາຍບໍ່ຊາບຊື່ ແລະ ທີ່ຢູ່ ໃນລາຄາ 3 ລ້ານກີບ. ກ່ອນລົດຈັກເສຍຫາຍ ນາງ ຄອນສະຫວັນ ເຈົ້າຂອງລົດ ໃຫ້ຮູ້ວ່າ: ເວລາ 10:40 ໂມງ ວັນທີ 4 ສິງຫາ 2021, ອ້າຍເຂີຍຂອງຕົນ ໄດ້ຂັບຂີ່ລົດຈັກຄັນດັ່ງກ່າວ ໄປຈອດຢູ່ຮ່ອມ 14 ບ້ານສີບຸນເຮືອງທົ່ງ ເມືອງສີໂຄດຕະບອງ ໄປລົມວຽກນໍາກໍາມະກອນ ປະມານ 5 ນາທີ ແຕ່ບໍ່ໄດ້ມອດຈັກລົດ ແລະ ບໍ່ໄດ້ຖອດກະແຈລົດ.

ພາຍຫຼັງລົດຈັກຖືກຄົນຮ້າຍລັກໄປຈຶ່ງແຈ້ງຄວາມ. ມາຮອດ ວັນທີ 27 ມັງກອນ 2022, ຕໍາຫຼວດຈະລາຈອນ ນວ ຈຸດກວດກາໄຟອໍານາດໜອງໜ່ຽງ ຈຶ່ງກວດພົບເຫັນແລ້ວກັກໄວ້. ຕໍ່ກັບເຫດການດັ່ງກ່າວ ກອງບັນຊາການ ປກສ ນວ ຮຽກຮ້ອງມາຍັງເຈົ້າຂອງຊັບ, ສິ່ງຂອງ ໃຫ້ເພີ່ມທະວີເອົາໃຈໃສ່ຄຸ້ມຄອງຊັບສິນຂອງຕົນໃຫ້ດີ ບໍ່ຄວນມັກງ່າຍຖືເບົາ ເພື່ອຫຼີກລ່ຽງການກໍ່ຄວາມເສຍຫາຍຕາມມາ

ຊົມຄລິບ