ໃນວັນທີ 31 ມັງກອນ 2022 ສຳນັກຂ່າວລັດເຊຍທູເດເປີດເຜີຍວີດີໂອແມ່ຄົນໜຶ່ງຍູ້ລູກສາວອາຍຸພຽງ 3 ປີ ຕົກລົງໄປໃນຄອກໝີຂອງສວນສັດແຫ່ງໜຶ່ງໃນອຸດສະເບກິດສະຖານ, ລັດເຊຍ


ແຕ່ເດັກນ້ອຍຍັງມີບຸນທີ່ໂຕໝີບໍ່ໄດ້ເຮັດຫຍັງ ແຕ່ເດັກນ້ອຍກໍໄດ້ຮັບບາດເຈັບຈາກການຍູ້ຈົນຕົກຈາກທີ່ສູງ.ເຫດການໃນຄັ້ງນີ້ເກີດຂຶ້ນຢູ່ໃນຕົວເມືອງ ຂອງເມືອງຫຼວງອຸສະເບກິດສະຖານ ເຊິ່ງກ້ອງວົງຈອນປິດໄດ້ຈັບພາບຜູ້ຍິງຄົນໜຶ່ງກຳລັງຍົກລູກສາວອາຍຸ 3 ປີ ຂ້າມຮົ້ວບໍລິເວນຄອກໝີສີນ້ຳຕານ


ກ່ອນຈະໂຍນລູກລົງໄປໃນຄອກທີ່ຄວາມສູງປະມານ 5 ແມັດ ຫຼັງຈາກເດັກນ້ອຍທີ່ຕົກລົງມາແຕ່ຍັງໂຊກດີ ທີ່ໝີຢູ່ໃນຄອກມີແຕ່ເຂົ້າມາດົ່ມເດັກນ້ອຍແລ້ວກໍຢ່າງໜີໄປ


ຢ່າງໃດກໍຕາມຫຼັງຈາກທີ່ເດັກນ້ອຍໄດ້ຮັບບາດເຈັບຈາກການຕົກລົງມາຈາກທີ່ສູງ ເຈົ້າໜ້າທີ່ກໍຮີບເຂົ້າໄປຊ່ວຍເຫຼືອເດັກນ້ອຍອອກມາ ແລະ ນຳໂຕສົ່ງໂຮງໝໍໃນທັນທີ.

ຂະນະທີ່ເຈົ້າໜ້າທີ່ໄດ້ສຶບສວນ-ສອບສວນແມ່ຂອງເດັກນ້ອຍໄດ້ລະບຸວ່າ: ມີອາການປ່ວຍເປັນໂລກຊຶມເສົ້າ ແລະ ຊີວິດຄອບຄົວມີປັນຫາຫຼາຍດ້ານຈົນໄດ້ຮັບການຊ່ວຍເຫຼືອຈາກລັດມາໄລຍະໜຶ່ງແລ້ວ ແຕ່ຈາກເຫດການນີ້ເຈົ້າໜ້າທີ່ໄດ້ຕັ້ງຂໍ້ຫາພະຍາຍາມຂ້າ ຖ້າຫາກແມ່ຂອງເດັກນ້ອຍໄດ້ຖືກຕັດສິນວ່າມີຄວາມຜິດແທ້ ອາດຈະໄດ້ຕິດຄຸກເຖິງ 15 ປີ

ຊົມຄລິບ

ກົດເຂົ້າເບິ່ງວີດີໂອໄດ້ທີ່ລີ້ງ: https://t.me/rt_russian/90333

ຂໍ້ມູນຈາກ : ລາວໂພສ

ຫາກທ່ານເຫັນວ່າເປັນປະໂຫຍດ ກໍ່ຢ່າລືມກົດໄລ້ ແລ້ວທ່ານຈະບໍ່ພາດການຕິດຕາມຂ່າວໃໝ່ໆຈາກພວກເຮົາ