ເວລາ 10:30 ໂມງ, 2 ກຸມພາ 2022 ປກສ ກຸ່ມບໍ່ໂອ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ເຂົ້າກັກໂຕເປົ້າໝາຍ ທ້າວ ບຸນທະວີ ຢູ່ບ້ານກາງ ໃນຂໍ້ກ່າວຫາ ການກັບຄືນມາເສບຢາໃໝ່ ເຊັກປະຫວັດຜ່ານມາ ເຄີຍປິ່ນປົວ 3 ຄັ້ງ, ແຕ່ກໍຍັງເດີນທາງສາຍຢາບ້າຄືເກົ່າ



ທ້າວ ບຸນທະວີ ມີປະຫວັດພົວພັນເສບສິ່ງເສບຕິດປະເພດຢາບ້າມາແຕ່ປີ 2011 ແລະ ປີ 2012 ຄອບຄົວຜູ້ປົກຄອງເຄີຍນຳຕົວໄປປິ່ນປົວ ແລະ ຟື້ນຟູສຸຂະພາບຢູ່ສູນປີ່ນປົວ ແລະ ຝຶກວິຊາຊີບຜູ້ຕິດຢາເສບຕິດ (ສົມສະຫງ່າ ) ນວ 2 ຄັ້ງ ແລະ ປີ 2013 ໄດ້ນຳຕົວໄປດັດສ້າງ ຢູ່ດອນສາຍນໍ້າເງິນ ເປັນເວລາ 5 ປີ



ພາຍຫຼັງໄດ້ຮັບອິດສະຫຼະພາບປ່ອຍຕົວກັບສູ່ຄອບຄົວໃນປີ 2018 ຄິດວ່າຈະເປັນຄົນດີ ຜູ້ກ່ຽວຍັງເລືອກເດີນເສັ້ນທາງຢາບ້າຄືເກົ່າ ໂດຍໄດ້ກັບຄືນມາເສບຢາບ້າອີກຮອບໃໝ່, ເສບມື້ລະ 4 ຫາ 5 ເມັດ, ຕົກມາຮອດ ທ້າຍປີ 2021 ແຮງຫນັກຂື້ນກວ່າເກົ່າອີກ ທັງຊື້ມາເສບ ແລະ ຂາຍ ຄັ້ງລະ 200 ເມັດ


ຕົກມາຮອດວັັນທີ 2 ກຸມພາ 2022 ຈຶ່ງຖືກເຈົ້າໜ້າທີ່ ປກສ ກຸ່ມບໍ່ໂອ ເຂົ້າຈັບຕົວພ້ອມຂອງກາງຢາບ້າ ຈຳນວນ 165 ເມັດ