ໃນວັນທີ 13 ກໍລະກົດ 2022 ເວລາ 09:00 ໂມງ ເຈົ້າໜ້າທີ່ ປກສ ເມືອງໄຊເສດຖາ ນະຄອນຫຼວງວຽງຈັນ ໄດ້ລົງໄປສົມທົບກັບກົມຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ  ແກ້ໄຂຄະດີຢາເສບຕິດ ຢູ່ ບ້ານນາໄຊ ເມືອງໄຊເສດຖາ ນະຄອນຫຼວງວຽງຈັນ ສາມາດທະລາຍກຸ່ມແກ໋ງ ຢາເສບຕິດ ພ້ອມດ້ວຍອາວຸດ.

       ເຈົ້າຫນ້າທີ່ ໃຫ້ຂໍ້ມູນວ່າ : ໄດ້ຈັບຕົວຜູ້ກະທຳຜິດໄດ້ທັງໝົດຈຳນວນ 8 ຄົນ ຍິງ 2 ຄົນ ພ້ອມຂອງກາງຄະດີ ຢາບ້າ 250 ເມັດ, ຢາເຄ 4 ຖົງນ້ອຍ. ປືນ M16 ຈໍານວນ 1 ກະບອກ ພ້ອມລູກປືນ ຈໍານວນ 8 ລູກ ແລະ ປືນສັ້ນ 1 ກະບອກ ພ້ອມລູກປືນ ຈໍານວນ 80 ລູກ, ເງິນຝາກ ຈຳນວນ 404.000 ບາດ ແລະ ເງິນກີບ ຈໍານວນ 8.196.000 ກີບ, ເງິນຢວນ 100 ຢວນ, ໂທລະສັບ ຈໍານວນ 7 ໜ່ວຍ, ສາຍຄໍຄຳຈຳນວນ 1 ເສັ້ນ ນໍ້າໜັກປະມານ 1 ບາດ ແລະ  ຕົ້ມຫູ ຈຳນວນ 2 ຄູ່. 
      
   ທ້າວ ສຸລິນທອນ ອາຍຸ 28 ປີ ກຳມະກອນ ໄດ້ໃຫ້ການວ່າ:  ໄດ້ມາພົວພັນກັບທ້າວ ຕານ້ອຍ ຢູ່ບ້ານ ຫນອງປີງ ເມືອງ. ຈາກນັ້ນ ພວກກ່ຽວທັງສອງກໍ່ໄດ້ຕິດຕໍ່ພົວພັນການຊື້-ຂາຍຢາເສບຕິດນຳກັນ ຄັ້ງລະ 3 ຫາ 5 ຄັ້ງ ແລະ ຊື້-ຂາຍກັນຊາ ຄັ້ງລະ 2-5 ຄັ້ງ ຈາກນັ້ນກໍ່ໄດ້ຕິດຕໍ່ຂາຍຢາບ້າ ແລະ ກັນຊາ ໃຫ້ຊາຍຄົນໜຶ່ງ ຢູ່ປະເທດໄທ ການນຳສົ່ງຢາເສບຕິດແຕ່ລະຄັ້ງ ແມ່ນຊາຍຄົນດັ່ງກ່າວ ໄດ້ປະສານຫາ ຊາຍຄົນ ຢູ່ເມືອງສັງທອງ ມາຮັບເອົາຢາບ້າ.

     ມາຮອດເດືອນມັງກອນ 2022 ທ້າວ ສຸລິນທອນ ໄດ້ຕິດຕໍ່ພົວພັນກັບຊາຍຜູ້ຢູ່ໄທ ທາງໂທລະສັບວ່າຢາກໄດ້ປືນມາໄວ້ປ້ອງກັນໃນເວລາໄປ ແມ່ນປືນສັ້ນ ພ້ອມລູກປືນ 80 ລູກ, ປືນຍາວຊະນິດ M16 ພ້ອມລູກປືນ 8 ລູກ; ສ່ວນການຈ່າຍເງິນ ທັງສອງແມ່ນໂອນເງິນໃຫ້ກັນເອງພາຍຫຼັງ ທ້າວ ສຸລິນທອນ ໂອນເງິນໃຫ້ ຊາຍຜູ້ຢູ່ໄທ ແລະ ລັກລອບນຳເອົາປືນນຳເຂົ້າປະເທດ.

 ຂໍ້ມູນ: ປກສ ນວ